Gweithgareddau

Cerdded

Coedwig Gwydyr

Llwybr Glanrafon

Yn ol i Llanrwst

Mae dewis eang o lwybrau a chyrchfannau i blesio cerddwyr o bob math yn Llanrwst a’r ardal o amgylch. Gall gerddwyr fynd am dro hamddenol yn y dref ei hun, neu ymestyn eu coesau ymhellach y tu allan i’r dref ar hyd llawr y dyffryn neu i’r coedwigoedd ar y bryniau sy’n edrych dros y dref; neu os hoffan nhw fentro ymhellach eto, mae mynyddoedd Eryri o fewn cyrraedd y rhai mwy egniol.

Yn y dref ei hun mae Llwybr Tref Llanrwst yn daith fer sy’n cynnwys prif leoliadau hanesyddol y dref, ac mae Llwybr Glanrafon yn daith hyfryd ar hyd glannau’r Afon Conwy. I’r gorllewin o’r dref ceir Coed Gwydir, gyda nifer o lwybrau sy’n gweu eu ffordd trwy’r goedwig; mae’r llwybrau yma wedi’u marcio, ac mae mapiau Menter Coedwigaeth ar gael yn lleol. Mae’r llwybrau yma yn cynnig golygfeydd rhyfeddol dros Ddyffryn Conwy a draw at gopaon Eryri, ac ar yr un pryd yn eich hebrwng chi heibio lleoliadau diddorol adfeilion diwydiannol yr hen gyfnod mwyngloddio.

Mae’r ardal hon hefyd wedi’i britho gan lynnoedd – gyda Llyn Crafnant a Geirionnydd yn eu mysg – yn ogystal â nentydd a rhaeadrau di-rif.

I’r cerddwyr mwy uchelgeisiol, mae llethrau uwch o fewn cyrraedd o’r dref, gyda’r Carneddau yn sefyll i’r gogledd o gopaon enwocach (a mwy poblog) yr Wyddfa a Thryfan.

Os ydych yn chwilio am deithiau hamddenol ar hyd llwybrau gwastad neu rai heriol ar lethrau serth, mae Llanrwst yn ganolbwynt cyfleus i gerddwyr, beth bynnag eu dewis

Rhestr o Itemau - Gweithgareddau

• Cerdded : Llawer o deithiau a llwybrau cerdded i'w dilyn, ar lawr y dyffryn yn ogystal ag ar hyd y mynyddoedd cyfagos.
• Beicio Mynydd : Mae'r llwybrau beicio mynydd lleol yn cynnwys y llwybrau Marin adnabyddus, yng Nghoed Gwydir.